Die Rooivleisprodusente-organisasie (RPO) het die inisiatief geneem om ’n gesprekforum tussen produsente van Suid-Afrika, Namibië en Botswana te stig. Die hoofdoel van die forum is om sake van gemeenskaplike belang tussen die produsente van die drie lande te bespreek, gesien vanuit ’n produsente-oogpunt. Dit was vir die RPO belangrik om klaarheid te kry oor spesifiek die invoere vanaf Namibië (meestal kleinvee) en speenkalwers van Botswana, en hoe dit die winsgewendheid van die Suid-Afrikaanse produsent beïnvloed.
